今集《莎拉有約》，莎拉再次邀請 Mabel 分享自己的人生故事。
由破碎嘅原生家庭、父母嘅婚姻，到成為媽媽、走進婚姻，再到後來投入婚姻輔導及銀髮工作，Mabel 回望自己一路走過嘅人生，分享點樣將過去嘅傷痛，慢慢轉化成改寫自己人生嘅力量。
今集特別談到「女人唔易做」，以及女人喺婚姻中可以擁有嘅五個角色，包括照顧者、戀人、欣賞伴侶嘅 Fans、陪伴伴侶成長嘅 Explorer，以及同行嘅 Buddy。
除此之外，Mabel 亦分享「9大感受」嘅概念，鼓勵大家學習辨認同表達自己嘅情緒，唔好將感受一直收藏喺心入面。
由小朋友、老人家到寵物，原來我哋身邊嘅關係，都可以幫助我哋重新感受愛與被愛。
節目後半部分，兩人再談到人生下半場、銀髮工作，以及點樣透過回顧人生，整理自己曾經走過嘅路。
Mabel 更分享自己未來三個方向：
• Show Me —— 鼓勵有夢想嘅人發揮自己嘅潛能
• Marry Me —— 關注婚姻、婚戀及關係
• Remember Me —— 幫助銀髮一代整理人生故事，讓生命被記得
人生未必可以改寫過去，但我哋可以選擇點樣繼續寫落去。
有時，真正嘅改變，就係由願意擁抱自己開始。
《莎拉有約》
主持：莎拉
嘉賓：Mabel
經重新整理及製作後重新推出。
更多原創內容：
0studiohk.com
延伸閱讀
